今日都算係黑仔日...
今朝為了等我呀妹, 遲咗20分鐘返到公司, 返到去又開唔到部電腦, 到下午3點幾先有得用。沒有了上網的引誘和email 的騷擾,
今日看file不知幾集中。不過, 呀10sit的同事仔的功課水準真係有待改善。都過咗兩年啦, d presentation 真係仲係睇到我想發老脾。
放工約咗d friends 係 APM食飯。搭地鐵去到油塘, 見到轉去官塘線既月台企滿人已心知不妙,
果然2分鐘唔夠地鐵宣佈壞車。唉, 好壞唔壞係我最唔熟既油塘壞......月台既人立即好似走難咁出閘搵車....我跟住指示搵到的士站, 但係好多人, 有d
人又唔排隊, 又冇的士...鬼咩, 果個的士站係個貨倉對面, 荒涼到有d寒, 我估平時都冇的士ka la.....等了一陣唔鬼等, 又走去搵巴士,
行咗一輪搵到個站, 好多人, 走難咁迫.....最尾唯有放棄食飯了........見到d市民好緊張咁趕返屋企, 突然想起老闆的說話,
住得近真係有住得近既好處.....
今日又聽到一個做FC既朋友因為公司上唔到市被layoff 咗, 真係恐怖...而家大家唔好再話唔想返工,
有份工真係要好好珍惜....
沒有留言:
張貼留言