懷著老二的日子(9wk)

Dec 23, 2011 5:00 PMPublicPageviews 47 0

(真係挑戰大肚婆既EQ, 打完一大輪SAVE時竟然冇咗半篇!!!!!!!!!!!!!!!!!)


終於到了第9周, 好似等咗好耐咁...

胃口開始轉差, 一係好多胃氣, 一係一餓就餓到痺....食又冇MUG胃口, 仲要成日勁攰, 好彩年尾假期多, 可以多D時間係屋企瞓吓....

仍然冇得一覺瞓天光(可憐), 呢輪天氣乾燥, 佢兩父女就晚晚輪流"R, R, R", 攪到我半夜要起身同佢地搽lotion....可憐我呢個大肚婆冇覺好瞓.........

6WK時去了接生姿姿既吳醫生度檢查, 原來吳醫生打算出年退休唔再接生, 我呢胎猛車邊都可以搭到尾班車搵佢, 不過, 呢班車我又唔係好想坐, 因為吳醫生加價了, 淨係佢一個人都收$40,000, 仲未計醫院, 兒科, 麻醉師, 醫生巡房費 !!好貴!! 此外, 我地而家住九龍, 我唔想去番CANNOSA因為太遠了, G爹爹到時一個照顧兩個會好辛苦, 所以我想係ST TERESA生。聽日約咗ST TERESA既醫生檢查, 如無大問題都應該係果度生。希望兩胎唔同醫生接唔會有大問題啦!!!

係吳醫生度第一次見了老二, 醫生說一切正常, 係一個胎唔係孖。醫生講到呢一句我先識驚...係喎, 冇諗過係孖, 如果係就太件事啦!!

老二, 係就乖乖地係媽媽個肚裡面快高長大啦, 聽日見~

打碟天后(19mth25d)

Dec 12, 2011 8:30 AMPublicPageviews 16 0

自從姿姿做咗打碟天后之後，屋企既CD離奇地唔見，部CD無幾耐仲壞埋，攪到姿姿有一段時間都冇得聽歌。

家姐仔(19mth23d)

Dec 9, 2011 5:44 PMPublicPageviews 15 0

呢幾日望住姿姿, 就覺得佢愈來愈似我。

梗係啦, 姿姿就來好似媽媽咁, 做姐姐啦~~

姿姿, 雖然將來就算爹爹媽媽要多花時間照顧老二而少了時間陪妳, 媽媽都一樣咁鍚妳, 因為妳係媽媽心目中係獨一無二, 無人代替到妳嫁!