不經不覺仲有3日姿姿就9個月大了﹏
不過， GG生得細細粒（公公常常叫她做“小小”）， 很多人都以為她只有6個月大。。。
現在一日吃兩餐粥仔， 如沒時間煲才沖糊仔﹏很多食物都試過了， 除了有一次食安琪梨臉上會出紅點點外，都沒有食物敏感。我覺得比起別奶， GG更愛吃粥／糊，
奶量就在5﹣7安之間， 9個月大來說不算多。我地有時都會分大人嘢比佢食， 例如我地食飯就比幾粒飯仔佢食下， 比未調味既湯同湯渣， 佢有份食會好開心!
現在已懂得四圍爬， 又鐘意學企同學行， 仲有個壞習慣就仲晚晚半夜會企係床仔到叫我， 一係笑， 一係叫， 或係瞓瞓下喊醒， 攪到我而家好少一覺瞓天光，
早前仲因為半夜彈起身招呼小姐攪到自己病咗。。。。加上而家天氣冷， 為怕小姐冷親， 唯有一見佢醒就9秒9抱佢落大人床一起瞓。一落大人床佢就可以即刻瞓著，
不過咁唔代表我地舒服D， 因為最細粒又係佢， 最AR JAR又係佢， 鐘意攤大雙臂瞓，
迫到我呀就黎要學小龍女＝＝＝＞瞓床邊ja.....
我都知就慣佢唔係咁好，等天氣冇咁冷先同佢特訓啦。。。。
而家愈來愈多表情， 但又愈來愈難同佢影靚相， 因為佢而家好難坐定定比你影咯。。。每晚見到我放工返屋企， 都會好開心咁叫／同我笑， 又腳fing
fing咁， 如果我去洗手唔抱佢住佢就即刻喊， 識咋喊ka la....呢輪好鍾意講da da da da
da....有時又失驚無神彈一句笑死你，有日婆婆問佢有冇得poopoo ar...佢突然好清楚答“冇呀。。。”公公婆婆開心咗成日呀。。。
我覺得GG開始明我地講MUG， 如果佢惡, 你話佢佢會收斂下， 今日叫佢拍手(只叫沒示範）， 佢真係會自己拍喎， 好surprise
佢聽得明呢個command...
上咗兩次playgroup, 其實我都有D驚， 始終太細驚佢會感染D病菌，
不過放假成日係屋企好悶je...同佢去playgroup 當係有D活動咁啦。。。唯有上堂期間同佢抺多D手手lor...
好長氣啦， 好眼瞓 TIM ， 下次再講。。。Zzzzzzzz
沒有留言:
張貼留言