今日放工入電梯, 電梯內只有一個年約四十的女人。
入咗去冇幾耐, 佢就主動同我講: "嘩...你對鞋好靚呀....."
我都唔知點應佢好.....
跟住佢問: 真係好靚, 你係邊度買ka???
"係Milles"
"即係邊度呀?"
"Sogo後面有一間, 不過, 我係舊年買ka la..."
"真係好靚隻色.....舒唔舒服呀..."
"幾好呀....不過, 咁紅唔係好多人鐘意著....."
"唔係呀...你襯黑色衫幾好睇ar...真係好靚......"
之後, 電梯到大堂, 我就走咗la...係短短30秒內讚咗4次好靚=====> 令我諗起小甜甜同哨牙通....
.................
突然間記起5,6年前, 有一次都有陌生人讚我對鞋靚.....
係新港中心既洗手間, 我著住一對黑色修長型皮鞋, 點知洗手間個清潔阿嬸同我講:
"你對鞋幾靚喎...係邊間百貨公司買ka..."
比老公笑咗我好耐,,話我taste似阿嬸......
係囉,,,咁你咪阿嬸殺手囉.......傻佬...
沒有留言:
張貼留言