今天我們去了一個我4年冇去兼佳仔成30歲人都未去過的地方---太古城。
我對太古城這地方也頗有回憶。以前太古城有一家叫太古城皇宮大酒樓，正是爸爸的客戶(爸爸多年前是經營冷氣維修生意)，因此，小時侯爸爸經常在星期日車我們3姊弟去太古城。記憶中的太古城只有音樂噴泉、溜冰場及麥記，最深刻的印像是我們3姊弟在酒樓內等爸爸和那些黑裝經理傾。
4年前再到太古城是因為工作關係要到鍘漁涌出job。
今天我們從深山軒座99號巴士出發，巴士駛進英皇道，我和佳仔就成個自遊人咁幾乎想伸條頸出窗外望街景。我都係第一次遊英皇道。沿路北角給我的印象是像彌敦道般多頗舊的店鋪，但街上沒有旺角般人頭湧湧，在街后也不難發現如跑馬地區一般的舊貴樓。
到了太古城，先去醫肚，快平正梗係揀foodcourt。嘩！食完至知呢個foodcourt唔惦，人多不特止仲檔檔炒多油煙，食完立即走人。
食飽有氣力行街，但成個商場都好多人，好煩！其實太古城都冇乜特別舖頭，只有大減價中的bennetton吸引到我入去。揀到一半人有三急，oh
my god, 個女太排長龍，見到十幾個女人在所排隊果刻，我巳將太古城踢入blacklist。
之后，我們行UNY便立即坐MTR去銅鑼灣。連太古地鐵都咁多人。佳仔話我住係深山，越來越怕人多。
去ikea買埋床頭燈、去鵝頸穚買完便返家。又迫餐矇。
今晚菜單: 老黃瓜眉豆花生煲豬、豆豉蒸黃立、上湯火腿覓菜
今日又學識點揀覓菜...heehee
what does it mean?????
Reply this
comment
Sky 
