十月圍城（電視劇）

一開左十月圍城就連睇左三集停唔到呀！劇情都幾流暢，算緊湊，轉眼睇到15集了。
好有戲味，演員個個好戲！鍾漢良真係好厲害，眼前既叫李重光，阿四，一丁點鍾漢良既感覺都沒有！

還有重光老爹，兩父子真係好好戲, 重光出場第二集就死, 但短短幾幕就交待到佢兩父子既深厚感情, 兩位都演得很有感染力, 睇到老爺抱重光屍那幕, 加上唸重光給父的遺書，編劇文筆極好，好感人，我令忍不流眼淚........我看劇極少首一兩集會跟著哭, 因通常都未到情緒, 但呢套既演員果然係好戲之人。有幕李老爺向阿四回憶重光說他偽善, 李老爺雖然表情不豐富, 但說話吐出的一字一句, 一個失神, 一下眼底流露的傷痛, 都把觀眾感受到他的喪子之痛....睇到我眼濕濕...演李老爺的吳剛, 超好戲的.....未試過睇個阿叔級演戲可以令我喊咁多。演正劇雖然沒有何以琛那樣的男神形象, 但論演技個個演員上乘, 更可以讓漢良發揮呀, 粉C們就不用心痛他遇著唐小姐般的對手....所以我覺得還是演正劇好....

男神演阿四不顧形象表情多多, 忽然想到, 那些說他整容的人該看看十月圍城, 膠面人絕不可能演成這樣...見到十月裡阿四個樣，就諗起極速韓國站漢良哥生食八爪魚邊食邊叫小白唔好放咁多落魚缸那幕，佢果時個樣太阿四了！！
看見阿四舉手投足都充滿一位市井小人物感覺, 睇鍾漢良的劇就是這麼奇妙, 很難跟他本人或曾經演過的任何一個角色聯想在一起, 完全沒有重覆相似感, 每次都是一個新的認識, 新的驚喜。

演戲就是這樣好玩, 難怪他不會接重覆的角色。

此劇另一好戲之人是吳孟達。他演攪笑電影就睇得多，電視劇睇過佢做台劇白色巨塔，一樣演技好！女婿替丈人洗澡那幕，兩位都演得很好, 很純淨的感覺, 也很感人。第一次覺得一個大叔既出浴情節可以充滿溫情而沒有半點麻甩感。

演李重甲那位張曉龍原來好猛料，教授級呢，好彩漢良哥都唔輸蝕，頂得住！不過, 張演李重甲這奸角演得太露, 慌死人唔知佢係奸。到咗中後段, 劇情會帶到觀眾睇睇下覺得好摸唔清李重甲呢個角色, 到底係忠定係奸, 有少少似逆水寒顧惜朝既色彩, 但可惜張演唔到小顧那種令人同情可憐既情緒，同埋佢演得太小人，同小顧，無得比。還有, 我覺得佢對住個妹仔夏荷同區小姐（藏係書櫃那幕）時個樣又過份地咸濕，成個嫖客咁既樣，話哂都富家公子加軍官, 平日都正正經經咁，換轉頭又對住個女人又笑成咁，好難理解, 好似誇張咗小小。唔知點解我覺得重甲似李鍾碩既。白白地，眼細唇紅。

我睇果時都有被佢攪混亂。第一次係剛投靠鐵山時做衰左個任務，佢向鐵山求饒時又喊又跪，呢幕佢做得好假，但我唔知佢係演技唔夠而假，定係重甲係雙面間諜唔係真心求饒而假。第二次係我覺得重甲對舒雲既感情來得有d莫名奇妙，一路都睇唔出鍾意舒雲鐘意到最後點都要娶佢，照計最後舒雲已家道中落兼門面上已結過兩次婚，精於計算既重甲如果唔係愛得極深既話又點會迫佢結婚。但，一路重甲都無表現到對佢有咁深既愛意，連眼神都無。
佢次次喊得好唔真心架，但我諗佢個角色就係表裡不一既壞人，所以係咪刻意喊得咁假呢？我分辨唔到。

一笠住個頭即刻變返美男子

我呀囡睇到呢度笑到收唔到聲呀！

仲有, 佢扮少白果幕真係笑到我噴飯

女主角劉小小其實我覺得演得不錯，但真得敗在整容，面部表情眼睛咀巴在動，其他部位不動，有時真覺得似戴左個臉具。重光舒雲呢對假夫婦對對方好有情有義, 舒雲雖然個性魯惘D, 但人又聰明又不嫌棄阿四是個車夫, 我幾鍾意呢個位二少奶奶........頭幾集睇劉小小覺得佢個樣怪怪的, 睇到中段就順眼左, 演技不錯, 轉數快, 又有成長, 好喜歡睇佢同重光之間既小曖昧, 兩個叫對方老公老婆真係好可愛...阿四同舒雲既感情來得很特別，我覺得阿四有阿純唔係重點，當時男人都興三妻四妾，身份懸殊先同阿四唔了解舒雲對少白同對自己既感情先係最大障礙。

唯獨有一點唔係好明係為何兩少奶奶這位官家大小姐, 受老爹萬千寵愛, 雖說開初攪革命係為左少白, 兩少奶奶既革命意志并不強烈, 後來阿四顧念外父既安危, 但兩少奶奶卻反過來勸阿四別只顧貴族私利, 好似那個唔係佢老爹咁......呢個位有DD奇怪......
至於阿純, 佢對阿四既信任真係好感人，舒雲就輸左呢一點。我以前好怕開長劇, 因為怕劇情婆婆媽媽好慢, 十月又唔算慢WOR, 反而有D位係事後用角色說話交帶就算, 唔會每一步都拍出來, SO FAR我都無乜點飛過片....

睇到40集，體會到人說男神真係超好戲呀。阿四除左係重要關頭突然變身做強者外，其餘都變回到那純真誠懇昂直的車夫阿四，除左說話表情，連身體語言都很市井。

這幕老太太走出來維護阿四，沉冤得雪的阿四即時感動流淚的表情演得超棒

睇到49集果個咁既鐵山求婚呀！念慈姐講阿四真係好感動，我都忍唔住流眼淚...
睇到後期有d好殘忍既橋段就飛片嘞，簡直係滿清十大酷刑呀！一家人既感情好感動到我。同埋劇本對人物既描述真係寫得幾好，每人都有自既立場，從個人立場上去想每個人做既野都可以體諒。有幾個位寫得幾好，不是一味講忠奸人物既故事，如欽差大臣從國家立場處事，好合情合理。阿四呢位男一都唔係一味變身英雄, 編劇始終無忘佢係一名車夫, 很清醒。

論幾個不討好的角色。鐵山雖然一路迫李家，但我一路睇都無討厭佢，佢都係忠臣一名，係最後迫念慈嫁俾佢呢個位，先覺得佢壞。

三叔呢個人物搵個外表已經係衰衰既演員就好明顯唔係講人物深度，我覺呢個角色純粹係攪攪震，由佢帶出返到底老太太在親兒（係兒唔係孫）與假孫之間既取態，老太太既心思呢個梗真係鋪排好好，觀眾要不停估究竟老人家係知定唔知重光係假，同埋老太太究竟係咪測試甲蟲。到最後老太太明知係假都選擇信任阿四，強化左阿四既忠實。

少白我又無反感呀，佢係革命先駒份子，要忍辱負重拋開私利，加上要幫李家，又睇到阿四係個老實人，對舒雲有咁既要求都係講得通。我係對佢最後都被重甲蒙左唔信阿四有d失望，個個都講少白先生思路唔係一般人架ma....

終於睇完嘞, 劇情真係完全估佢唔到，好細密的一套劇，我未試過睇完一套劇想拍手大讚既衝動，真係好好睇。講劇情完整性好過來不及、何以、最美，講拍攝同場景好過一觸，劇情比一觸更意想不到，so far睇過wallace既劇，講整體性嚴謹性劇情緊湊鬆張程度，

呢度係最好人物係好立體，最厲害係，每個人物既內心戲都足，但又唔會搶了主角既戲，呢個要劇本勁演員勁先得！以前都唔知道睇劇係可以引發咁多思考同討論，係微博同貼吧睇多左高質素劇評先覺得睇劇係可以咁過癮。