一出場先來個指定動作, 用廣東話打個招呼, 跟住就唱新國語歌<如果沒有你>, 佢第一次出國語EP, 亦都係第一次公開演唱呢首歌。真係大派福利, 我仲以為佢唔會唱歌(點知佢竟然唱咗四首歌咁多!!! )喜出望外,
終於聽到佢唱live啦!!
好興奮啊!!身經百戰既佢,
唱得真係唔錯。唱第一句, FANS們都超開心!
不過真係唔夠人多且大家太斯文, 次次D歡呼聲都係叫一下就冇 (如果有得去佢演唱會就好啦, 唉……) 。好喜歡這首歌(後來才知道原來係翻唱莫文蔚的), 好JH style情歌,
佢把聲線柔得來又尾音有D磁性,
好正!美中不足既係，有人睇提字機睇得太多啦!!!!
呢個時候就開始後悔唔早Ｄ去排隊，我企個位用手機拍video真係有Ｄ遠， 不過都唔緊要既， 遲Ｄ一定有人放清晰版上網既。
第二首唱都係國語歌,叫<幸福>.係佢最新隻韓文翻唱隻裡既一首歌再譜上中文歌詞。可能此曲節奏輕快，所以唔係好聽到佢唱乜(係我國語差啫)。第三首係＜一直想起你＞。音樂一起，我腦裡面立即想起佢入伍時的情境，歌詞好配合呀嘛....北京人就話鐘意呢個前奏...佢一路聽JH唱歌就一路不停咁問佢既嘢，一知道JH原來已經係３２歲，佢俾呢位超級童顔嚇親，佢以為係廿幾歲咋。既然佢有興趣，我一定出力話哂JH既嘢比佢知既！
最后唱完<吹散記憶>(呢首chorus
最激情，唱到有點爆咪的感覺。),休息一會就開始簽名會。就排到我時，好緊張啊，我準備咗張紙仔寫上我個名，等佢可以寫上隻CD上面(我有兩張証可以換兩張CD)。點知原來笨咗，直接同佢講自己個名好過，可以乘機望多佢幾眼。我見前面個日飯就係咁，又可能係佢認得日飯啦，我見佢個樣即刻精靈醒神晒！到我嘞, 除咗果兩隻送既EP外, 我仲攞埋佢最新隻韓文碟俾佢簽, 佢肯簽呀!簽完我送上禮物,
佢雙手接過向我點頭示意謝謝, 我對佢用韓文講多謝, 其實係應該佢多謝我至啱。 由於太緊張,
我唔記得同佢握手就走咗嘞….stupid me!
唔知下次見到佢會係幾時呢???希望佢再來香港啦!
P.S. 病咗一個星期, 本來去之前我仲好咳加有點頭痛, 估唔到去完返屋企凡, 竟然成個精神哂, 冇頭痛仲少咗咳, 真係食藥都冇咁快好!所以說做媽媽偶爾也應該留點時間空間給自己放鬆一下, 有益身心啊!
P.S. 病咗一個星期, 本來去之前我仲好咳加有點頭痛, 估唔到去完返屋企凡, 竟然成個精神哂, 冇頭痛仲少咗咳, 真係食藥都冇咁快好!所以說做媽媽偶爾也應該留點時間空間給自己放鬆一下, 有益身心啊!
沒有留言:
張貼留言