新舊交替 (from 人在中環)

Jul 29, 2008 10:21 AMFriend & FamilyPageviews 0 0

以下一篇轉自<人在中環>, 看了很有同感.... +++++++++++++++++++++++++++++++++++++++++++++++++ 新舊交替

帶俾我最多煩惱既同事，幾乎清一式係做得比較耐既一批人。新果一批同事，經驗可能真係比較幼嫩，不過，唔係trouble maker。 舊同事有兩種，一種係好似Kelly呢一類咁，佢有經驗，亦能夠同你建立一d默契，響工作上面佢地係最得我信賴既一批人。佢地仲會用佢地既experience，去幫手帶新人，做一個好既示範俾佢地睇。 至於另一批呢，唉。 新同事麻煩比較少既原因，多少因為佢地入黎CK公司做既時候，公司既規模經已開始發展，而且各種既制度都幾已萌芽。佢地starting from day one，已經係接受緊呢一d制度，亦習慣左去尊重同服從呢一d規舉。而且新同事入黎既時候，公司既人數開始多，同我呢個老闆既距離，亦比較遠。呢個稍為遠既距離，反而另佢地會「比較」尊重老細既決定，當需要妥協既時候，反而比較易話圍。 但係舊既一批同事呢，佢地由公司得幾個人既年代開始響度做，經歷過冇制度冇枉管兼且乜野都可以challenge老細決定既年代。到後來公司開始長大，人開始多，開始需本制度去幫助管理既時候，佢地會傾向拒絕理會呢d規矩，堅持用返佢地以前果套。即使你曾經嘗試坦坦白白，四四六六咁傾過，希望佢地會諒解公司既處境同從前有所分別，佢地依然係踩你都傻。總之你有你訂你既規矩，佢有佢用佢既方法。 最鬼難搞既，係佢會「游說」其他同事唔好去跟你果套，而去用佢既方法同跟佢既規矩。 最激鬼氣既，係佢地仲要擺出一副你奈佢唔何既姿態。 公司被注資之後，呢個係另一個我需要解決既問題。老實講，以前我多少係不停拖延去處理呢個狀況，已致積積埋埋，變到有d麻煩。 要從心態方面去改變佢地，會有d咩好辦法？